October 2026

 

அக்டோபர் 22 ஜகதீஷ்பூர், மோத்திஹாரி, பட்வலியா ஆகிய பணித்தளங்களில் நடைபெற்ற சிறுவர் ஊழியங்களின் மூலமாக 144 சிறுவர் சிறுமியருக்கு கிறிஸ்துவின் அன்பு அறிவிக்கப்பட்டதுடன், சிறுவர்களின் குடும்பங்களையும் சந்தித்து அவர்களது பெற்றோருக்கும் சுவிசேஷத்தை அறிவிக்க கர்த்தர் கிருபைசெய்தார். பணித்தளங்களில் செய்யப்பட்டுவரும் சிறுவர் ஊழியங்களுக்காகவும், இச்சிறுவர்கள் மூலமாக உடன்பிறந்தவர்கள் மற்றும் பெற்றோர் கிறிஸ்துவை கண்டுகொள்ளவும் ஜெபிப்போம்.

அக்டோபர் 23 சன்பட்டியா பணித்தளத்தில் நடைபெற்ற எழுப்புதல் கூட்டத்தில் 45 பேர் கலந்துகொண்டனர். தொடர்ந்து நடைபெற்ற இரவு சுவிசேஷக் கூட்டத்தில் 40 பேர் கலந்துகொண்டு சுவிசேஷத்தைக் கேட்டனர். ராம்நகர் பணித்தளத்தில் சகோதரர் சிக்கந்தர் ராம் வீட்டில் நடைபெற்ற பிறந்தநாள் கூடுகையின்போது, கூடிவந்திருந்த 30 பேருக்கு சுவிசேஷத்தை அறிவிக்கவும், சஹார் கிராமத்தில் 10 பேருக்கு நற்செய்தியினை அறிவிக்கவும் கர்த்தர் உதவிசெய்தார். பணித்தளங்களில் வரும் மாதங்களில் திட்டமிடப்பட்டிருக்கும் எழுப்புதல் மற்றும் சுவிசேஷக் கூட்டங்களுக்காகவும் மற்றும் நற்செய்திப் பணிகளுக்காகவும் ஜெபிப்போம்.

அக்டோபர் 24 சிவான் பணித்தளத்தில் நடைபெற்ற ஒருநாள் உபவாசக் கூட்டத்தில் 30 பேர் பங்கேற்றனர். ஏக்மா சபையில் நடைபெற்ற ஒருநாள் உபவாசக் கூட்டத்தில் 90 பேர் கலந்துகொண்டு ஆசீர்வதிக்கப்பட்டனர். பஹாகா பணித்தளத்தில் கிறிஸ்துவைத் தேடுவோருக்காக நடத்தப்பட்ட சிறப்புக் கூட்டத்தில் 20 பேர் பங்கேற்று தேவ வார்த்தையைக் கேட்டனர். அவஸனி கிராமத்தில் புதிதாக தொடங்கப்பட்ட வீட்டு சபை ஆராதனையின் முதற் கூட்டத்தில் 25 விசுவாசிகள் கலந்துககொண்டு மகிழ்ச்சியுடன் கர்த்தரை ஆராதித்தனர். பணித்தளங்களில் வீட்டு சபை ஆராதனைகள் பெருக ஜெபிப்போம்.

அக்டோபர் 25 ரிவீல்கஞ்ச், டெஹ்ரி ஆன் சோன், ஷாஹ்பூர், பைரவ்கஞ்ச் மற்றும் மஜௌலியா ஆகிய பணித்தளங்களில் 'எழுந்து பிரகாசி" என்ற கருப்பொருளின்கீழ் நடைபெற்ற பெண்களுக்கான சிறப்புக் கூடுகையில் 800-க்கும் அதிகமானோர் பங்கேற்றனர். பெண்கள் தனிப்பட்ட ஆவிக்குரிய வாழ்க்கையில் முன்னேறவும், வேத வசனத்தில் பெலனடையவும், கர்த்தருக்கு ஊழியம் செய்யவும் உற்சாகப்படுத்தப்பட்டனர். பணித்தளங்களில் பெண்கள் மத்தியில் எழுப்புதல் உண்டாகவும், பெண்கள் சமுதாயத்தில் சாட்சிகளாக வாழவும் தங்கள் குடும்பங்களை கிறிஸ்துவுக்குள் வழிநடத்தவும் ஜெபிப்போம்.

அக்டோபர் 26 பஹாகா, பெத்தியா பணித்தளங்களில் நடைபெற் வாலிபர் கூடுகைகளில் பணித்தள 324 வாலிபர் ஆர்வமுடன் பங்கேற்றனர். கிறிஸ்துவை சொந்த இரட்சகராக ஏற்றுக்கொண்ட 71 பேர், உடன்படிக்கையின் மூலம் அதனை வெளிப்படுத்தினர். சாண்டி, ருல்ஹி பணித்தளங்களில் நடைபெறும் கட்டுமானப் பணிகளுக்காக மற்றும் இருசக்கர விபத்தில் காயமடைந்த கோட்டத் தலைவர்  மிஷனரி ராகேஷ் ரவி விரைவில் சுகமடைய ஜெபிப்போம்.

 

SEPTEMBER 2026

 

செப் 21 ஷ்யாம்பூர் பைத்தானியா, திரிவேணி, பாகா, புனர்,    சாண்டி, பராரி, மீர்கஞ்ச் ஓர்மா, டுமரியா, சப்ரா, கோடாசஹன் மற்றும் நிமௌயா போன்ற பணித்தளங்களில் நடைபெற்ற சிறுவர் ஊழியங்களின் மூலமாக, சுமார் 1000-க்கும் அதிகமான சிறுவர் சிறுமியருக்கு கிறிஸ்துவின் அன்பினை அறிவிக்க கர்த்தர் உதவிசெய்தார். பணித்தளங்களில் சிறுவர் மத்தியில் தொடர்ச்சியாகச் செய்யப்பட்டுவரும் ஞாயிறுப் பள்ளி மற்றும் பிற ஊழியங்களுக்காகவும், சிறுவர்கள் கிறிஸ்துவின் அன்பினை அறிந்துகொள்ளவும், அவர்களது கல்வி மற்றும் எதிர்காலத்திற்காகவும் ஜெபிப்போம். 

செப் 22 கர்தஹ்னி பணித்தளத்தில் நடைபெற்ற மூன்று நாள் உபவாசக் கூட்டத்தில் 150 விசுவாசிகள் பங்கேற்றனர். பரிசுத்த ஆவியானவரின் கிரியை நிறைவாகவும் வல்லமையுடனும் வெளிப்பட்டது. ராம்நகர் பணித்தளத்தில் இரண்டு நாட்கள் நடைபெற்ற உபவாசக் கூட்டத்தில் 110 பேரும், ஜோகாபட்டி பணித்தளத்தில் இரண்டு நாட்கள் நடைபெற்ற உபவாசக் கூடுகையில் 30 பேரும் பங்கேற்று, சுகவீனமாயிருக்கும் மக்கள் குணமடையவம், இளைஞர்கள் இரட்சிக்கப்படவும், பணித்தள ஊழியங்களுக்காகவும் மற்றும் தேசத்திற்காகவும் பாரத்துடன் ஜெபித்தனர். பணித்தளங்களில் நடைபெற்றுவரும் ஆத்தும ஆதாயப் பணிகளுக்காகவும், வாலிபர் சந்திக்கப்படவும், விசுவாசிகள் ஆவிக்குரிய வாழ்க்கையில் வளரவும் ஜெபிப்போம்.

 

செப் 23 ஜோகாபட்டி பணித்தளத்தில் நடைபெற்ற எழுப்புதல் கூட்டத்தை கர்த்தர் ஆசீர்வதித்தார்; 80 பேர் இக்கூட்டத்தில் பங்கேற்றனர். ஜெப வேளையின்போது பலர் தங்கள் வாழ்க்கையை கிறிஸ்துவுக்கென்று அர்ப்பணித்தனர். இக்கூட்டங்களில் பங்கேற்றோர் விசுவாசத்தில் நிலைத்திருக்கவும், இப்பணித்தளத்தில் செய்யப்பட்டுவரும் பின்தொடர் ஊழியங்களுக்காகவும் மற்றும் இப்பணித்தளத்தினைச் சுற்றியிருக்கும் கிராமங்கள் சந்திக்கப்படவும் ஜெபிப்போம். 

செப் 24 தொடர்ந்து, மோத்திபூர் கிராமத்தில் நடைபெற்ற சுவிசேஷக் கூட்டத்தில் 15 பேரும், டரௌலியா கிராமத்தில் நடைபெற்ற சுவிசேஷக் கூட்டத்தில் 50 பேரும் பங்கேற்று நற்செய்தியைக் கேட்டதுடன், சுவிசேஷக் கைப்பிரதிகளையும் பெற்றுச்சென்றனர். புதிதாக சுவிசேஷம் அறிவிக்கப்பட்டுள்ள கிராமங்களுக்காக ஜெபிப்போம். 

செப் 25 ஆகஸ்ட் 15 அன்று பெத்தியா பணித்தளத்தில் நடைபெற்ற குடும்பக் கூடுகையினை கர்த்தர் ஆசீர்வதித்தார். நயா கான் கோபால்கஞ்ச் கிராமத்தில் கிறிஸ்துவின் நற்செய்தியினை அறிவிக்க கர்த்தர் உதவிசெய்தார். இக்கிராமத்தில் காணப்படும் அந்தகாரம் நீங்கவும், ஜனங்கள் மூடப்பழக்கவழக்கங்களிலிருந்து விடுதலையடையவும், சுவிசேஷத்திற்கு இங்கு திறந்த வாசல் உண்டாகவும் ஜெபிப்போம்.

August 2026

 

ஆகஸ்ட்-22 பகஹி புல்வா டோலா, ஜெய்நகர் சோட்டா, ஜோகாபட்டி, பண்டாடிஹ், நௌரங்கியா, கர்ஹரி, நோனியா டோலா, சுகௌலி, கர்மாஹ்வா டோலா, பைரியா, ஆம்தேயி, பகாஹா, ஷ்யாம்பூர் பேதாணியா, பலாசக், பெல்வநியா மற்றும் முசஹரி ஆகிய கிராமங்களில் நடைபெற்ற சிறுவர் நிகழ்ச்சிகளில், வேத வசனங்கள், கதைகள் மற்றும் விளையாட்டுகள் மூலம் 'தைரியம் இழக்காதிருங்கள்" என்ற கருப்பொருளின் கீழ் கிறிஸ்துவின் அன்பினை சிறுவர் சிறுமியரின் உள்ளங்களில் விதைக்க கர்த்தர் உதவிசெய்தார். இந்நிகழ்ச்சிகளில் பங்கேற்ற சிறுவர் சிறுமியர் தேவனை அறியவும், அவர்களது குடும்பத்தினர் சந்திக்கப்படவும் ஜெபிப்போம். 

ஆகஸ்ட்-23 ஷாபூர் பணித்தளத்தில் நடைபெற்ற எழுப்புதல் கூட்டத்தில் 250 பேர் பங்கேற்றனர்.   சகோ. சுரேஷ் கர்த்தருடைய செய்தியைப் பகிர்ந்துகொண்டு, பங்கேற்றவர்களுக்காக ஜெபித்தார். நயா கான் தேச்சனா கிராமத்தில் புதிதாக 8 பேருக்கு சுவிசேஷம் அறிவிக்கப்பட்டது. ஜூலை 3 அன்று சந்தேஷ் பணித்தள ஆலயத்தில் நடைபெற்ற உபவாசக் கூடுகையினை கர்த்தர் ஆசீர்வதித்தார். பணித்தளங்களில் வரும் நாட்களில் நடைபெறவிருக்கும் நற்செய்திப் பணிகளுக்காகவும், சுவிசேஷத்தைக் கேட்டவர்கள் கிறிஸ்துவை ஏற்றுக்கொள்ளவும் ஜெபிப்போம்.

ஆகஸ்ட்-24 'வெற்றியாளனாயிரு" என்ற தலைப்பின் கீழ் பெத்தியா பணித்தளத்தில் நடைபெற்ற  வாலிபர் கூடுகையில் 120 வாலிப சகோதர சகோதரிகள் பங்கேற்றனர். இக்கூடுகையில், ஊழியர்கள் சகோ. பென்சன் மற்றும்சகோ. வென்னிலவன் ஆகியோர் வாலிபர்களுக்கேற்ற செய்திகளையும் மற்றும் ஆலோசனைகளையும் வழங்கினர். இக்கூடுகையில் பங்கேற்ற வாலிபர்கள் இயேசு கிறிஸ்துவை தங்கள் வாழ்க்கையில் வெளிப்படுத்தவும், சாட்சிகளாக அவருக்கென்று ஜீவிக்கவும் ஜெபிப்போம்.

ஆகஸ்ட்-25 பீரோ, தராரி, பசந்த்பூர், பைரியா, சன்பட்டியா, பெத்தியா, ஹசன்பஜார், சந்தேஷ் காந்தர்பூர், சப்ரா, ஹாஜிபூர், வால்மீகி நகர் மற்றும் பகாஹா பணித்தளங்களில் கிறிஸ்துவை தங்கள் வாழ்க்கையின் சொந்த இரட்சகராக ஏற்றுக்கொண்டு, இரட்சிப்பின் அனுபவத்தைப் பெற்ற 87 பேர், உடன்படிக்கையின் மூலம் தங்கள் விசுவாசத்தை வெளிப்படுத்தினர்; தேவனுக்கே மகிமை! இவர்கள் தொடர்ந்து தங்கள் விசுவாசத்தில் நிலைத்து நிற்க ஜெபிப்போம்.

ஆகஸ்ட்-26 கோபால்கஞ்ச் பணித்தளத்தில் விரைவில் ஆலயம் கட்டப்படவும், பணித்தளங்களில் உண்டாகும் எதிர்ப்புகள் மாறவும், ஆரா பணித்தளத்தில் கல்லறைத் தோட்டத்திற்கான நிலம் கிடைக்கவும் மற்றும் சப்ரா பணித்தளத்தில் நடைபெற்றுவரும் சீஷத்துவப் பயிற்சி வகுப்புகளுக்காகவும் ஜெபிப்போம். 

July 2026

 

ஜூலை 22 ஸ்ரீநகர் மற்றும் டும்ரா பணித்தளங்களில் ஜூன் 16 முதல் ஜூன் 18 வரை நடைபெற்ற விடுமுறை வேதாகமப் பள்ளி ஊழியங்களில் 120 சிறுவர் சிறுமியர் பங்கேற்றனர். சகோ. குரு மஹிமா, சகோ. அபிஷேக் குமார் மற்றும் சகோ. சந்தோஷ் ஆகியோர் 'முயற்சியைக் கைவிடாதீர்கள்" என்ற கருப்பொருளைக் மையமாகக் கொண்டு கிறிஸ்துவின் அன்பைப் போதித்தனர். பணித்தளங்களில் நடைபெற்றுவரும் சிறுவர் ஊழியங்களுக்காகவும், அவர்களது பெற்றோர் சந்திக்கப்படவும் ஜெபிப்போம். 

ஜூலை 23 ஜூன் 3 அன்று பெத்தியா பணித்தளத்தில் 'முயற்சியைக் கைவிடாதீர்கள்" என்ற கருப்பொருளை மையமாகக் கொண்டு நடைபெற்ற விடுமுறை வேதாகமப்பள்ளி ஆசிரியர் பயிற்சிக் கூட்டத்தில் சுமார் 70 சகோதர சகோதரிகள் பங்குபெற்றனர். பயிற்சியின் நிறைவில், பயிற்சியாளர்கள் தங்கள் கிராமங்களில் கிறிஸ்துவின் அன்பை பறைசாற்றுவோம் எனத் தீர்மானித்து கடந்து சென்றனர். பணித்தள விசுவாசிகள் மத்தியில் சிறுவர் சிறுமியரை கிறிஸ்துவண்டை நடத்தும் தாகம் பெருக ஜெபிப்போம்.

 ஜூலை 24 ஜூன் 5 அன்று ரிவைல்கஞ்ச் பணித்தளத்தில் நடைபெற்ற வாலிபர் கூட்டத்தில் 25 வாலிப சகோதர சகோதரிகள் பங்கேற்றனர். கர்த்தரை துதிக்கும் பாடல்கள், மற்றும் 'நீதியின் இராஜ்ஜியத்தை தேடுங்கள்" என்ற தலைப்பின் கீழ் தேவ வார்த்தைகள் பகிரப்பட்டு, தேவனை உறுதியாகப் பற்றிக்கொள்ள வாலிபர்கள் வழிநடத்தப்பட்டனர்.  இக்கூடுகையில் பங்கேற்ற வாலிபர் கிறிஸ்துவுக்கு சாட்சிகளாக வாழவும், பணித்தளங்களில் புதிதாக கிறிஸ்துவின் மந்தையில் சேர்க்கப்பட்டுள்ள ஆத்துமாக்களுக்காகவும் ஜெபிப்போம். 

ஜூலை 25 ஜூன் 2 அன்று ராம்நகர் பணித்தளத்தின் முஞ்ரா கிராமத்தில் நடைபெற்ற சுவிசேஷ ஊழியங்களில், சுமார் 65 பேர் பங்கேற்றனர். மேலும், ஜூன் 20 அன்று ராம்நகர் பணித்தளத்தின் சிகாரி கிராமத்தில் நடைபெற்ற சுவிசேஷக் கூட்டத்தில் 25 க்கும் மேற்பட்ட நபர்கள் நற்செய்தியினைக் கேட்டு தேவ சமாதானத்தையும் மற்றும் தேவ அன்பையும் அறிந்துக்கொண்டனர். இதில் பங்குபெற்ற ஒரு குடும்பத்தினர் தேவ அன்பினால் தொடப்பட்டு, தேவனை ஏற்றுக் கொள்ள தங்களை ஒப்புக்கொடுத்தனர். பணித்தளங்களில் வரும் நாட்களில் நடைபெறவிருக்கும் சுவிசேஷக் கூட்டங்களுக்காகவும், தனிநபர் ஊழியங்களுக்காகவும் ஜெபிப்போம். 

ஜூலை 26 ஸ்ரீநகர் பணித்தளத்தில் சுற்றுசுவர் இல்லாதக் காரணத்தால், சபை கூடுகைக்கு விரோதமாக எதிர்ப்பு தெரிவித்து அச்சுறுத்தி சபை ஆராதனையில் இடையூறு விளைவிக்கின்றனர். இப்பணித்தள விசுவாசிகள் தங்கள் விசுவாசத்தில் உறுதியாயிருக்கவும். விரைவில் இப்பணித்தள ஆலயத்தைச் சுற்றிலும் சுற்றுச் சுவர் கட்டப்படவும் ஜெபிப்போம். 

June 2026

 

ஜூன் 21 நர்கட்டியாகஞ்ச் பணித்தளத்தில் நடைபெற்ற “Good News Club” சிறுவர் ஊழியர்களின் மூலமாக 45 சிறுவர் சிறுமியருக்கும் மற்றும் மோத்திஹாரி பணித்தளத்தின் பைதரோலியா 50 சிறுவர் சிறுமியருக்கும், பக்ரி தயால் பணித்தளத்தில் 24 சிறுவர் சிறுமியருக்கும்,மஜ்ஹௌலியா பணித்தளத்தில் 40 சிறுவர் சிறுமியருக்கும் மற்றும்  ஹர்னாடாட், பஸ்வாரியா, கர்காட்டி, சிற்சா மலைஹி டோலா, ராம்நகர் பணித்தளங்களில் 220 சிறுவர் சிறுமி இருக்கும் பாடல்கள் மட்டும் வேதாகமச் சம்பவங்கள் மூலமாக கிறிஸ்துவின் அன்பினை அறிவிக்க கர்த்தர் உதவி செய்தார்.  இச்சிறுவர்களின் இதயங்களில் விதைக்கப்பட்டுள்ள வேத வசனங்கள் வரும் நாட்களில் நல்ல பலனைத் தர ஜெபிப்போம். 

ஜூன் 22 சஹார் பணித்தளத்தில் நடைபெற்ற வீட்டு ஜெபத்தில் 25 பேர் பங்கேற்றனர். சரையா பணித்தளத்தில் நடைபெற்ற பெண்கள் கூடுகையில் 20 விசுவாசிகள் பங்கேற்றனர். சப்ரா பணித்தளத்தில் நடைபெற்ற கன்வென்ஷன் கூட்டத்தில் 300 பேர் பங்கேற்றனர். தொடர்ந்து, மோத்திஹாரி, மாதேபூர் பணித்தளங்களில் நடைபெற்ற சுவிசேஷ ஊழியங்களையும் கர்த்தர் ஆசீர்வதித்தார். பஹாகா பணித்தளத்தில் நடைபெற்ற விடுதலைக் கூட்டத்தில் 70 பேர் பங்கேற்றனர். மேலும், மட்டியாரியா ஜீத்பூர், ஜோகாபட்டி மற்றும் சிவான் பணித்தளங்களில் நடைபெற்ற சுவிசேஷ ஊழியங்களையும் கர்த்தர் ஆசீர்வதித்தார். நற்செய்தி அறிவிக்கப்பட்ட கிராமங்கள் கிறிஸ்துவைக் கண்டு கொள்ள ஜெபிப்போம். 

ஜூன் 23 ஜோகார்பட்டி பணித்தளத்தில் நடைபெற்ற குடும்பக் கூடுகையில் கணவன் மனைவியாக 50 தம்பதியர் பங்கேற்றனர். குடும்ப வாழ்க்கையில் கிறிஸ்துவுக்குச் சாட்சியாக வாழவும், குடும்பத்தினர் மத்தியில் கிறிஸ்துவை வெளிப்படுத்தவும், பல்வேறு ஆலோசனைகளுடன் வசனத்தின் அடிப்படையிலான தேவ செய்தியும் வழங்கப்பட்டது. பைரோகஞ்ச் பணித்தளத்தில் ஆராதனைக்கு எதிராக நிலவிவரும் எதிர்ப்புகள் நீங்கவும், ஜனங்கள் விடுதலையோடு தேவனை ஆராதிக்கவும், மஜ்ஹௌலியா பணித்தொட ஊழியர் இல்ல கட்டுமான பணிகளுக்காகவும் ஜெபிப்போம்.

ஜூன் 24 மே 19 அன்று, ஜோகாபட்டி பணித்தளத்தில் நடைபெற்ற வாலிபர் கூடுகையில் 50 வாலிப சகோதர சகோதரிகள் பங்கேற்றனர். தொடர்ந்து, ஹர்னாடாண்ட் பணித்தளத்தில் நடைபெற்ற வாலிபர் கோடுகளில் 80 வாலிபர் பங்கேற்றனர். இக்கூட்டங்களில் சகோதரர் பழனிவேலு வாலிபரின் வாழ்க்கைக்கு ஏற்ற ஆலோசனைகளுடன், வாலிபர்களின் வாழ்க்கைக்கேற்ற செய்தியையும் வசனத்தின் அடிப்படையில் பகிர்ந்து கொண்டார். ஜெப வேளையின்போது, பல வாலிபர்கள் கிறிஸ்துவுக்கென்று தங்கள் வாழ்க்கையை அர்ப்பணித்தனர். பணித்தளங்களில் செய்யப்பட்டு வரும் வாலிபர் ஊழியங்களுக்காகவும், வாலிபர் கிறிஸ்துவைக் கண்டுகொள்ளவும் ஜெபிப்போம்.

ஜூன் 25 மஜ்ஹௌலியா, ஜோகாபட்டி, சரையா மற்றும் கட்ஹனி பணித்தளங்களில் கிறிஸ்துவை தங்கள் வாழ்க்கையின் சொந்த இரட்சகராக ஏற்றுக்கொண்டு, இரட்சிப்பின் அனுபவத்தைப் பெற்ற 23 பேர், கிறிஸ்துவின் மேல் உள்ள தங்கள் விசுவாசத்தை உடன்படிக்கையின் மூலம் வெளிப்படுத்தினார்; தேவனுக்கே மகிமை! மோத்திஹாரி பணித்தளத்தில் நடைபெற்று வரும் ஊழியர் இல்லம் மற்றும் பணித்தள அலுவலகக் கட்டுமான பணிகளில் தடையின்றி நடைபெறவும், ஏக்மா பணித்தள ஆலயத்திற்கு ஏற்ற நிலம் கிடைக்கவும் ஜெபிப்போம்.

May 2026

மே 21 கோடாசன், பால்வாலியா, புஹனர், சிர்சா, கஸ்துர்பா, மோத்திஹாரி மற்றும் ராம் நகர் ஆகிய பணித்தளங்களில், நற்செய்திக் குழு ஊழிங்கள், ஞாயிறுப் பள்ளி ஊழியங்கள் மற்றும் பின் தொடர் ஊழியங்களின் மூலமாக, 557 சிறுவர் சிறுமியருக்கு கிறிஸ்துவின் அன்பினை அறிவிக்க கர்த்தர் உதவிசெய்தார். இச்சிறுவர்கள் கிறிஸ்துவின் அன்பில் வளரவும், இவர்களது பெற்றோர் மற்றும் உடன்பிறந்தோர் கிறிஸ்துவைக் கண்டுகொள்ளவும் ஜெபிப்போம்.  

மே 22 பெல்பனியா மற்றும் சிவான் பணித்தளங்களில் நடைபெற்ற சுவிசேஷக் கூட்டங்களை கர்த்தர் ஆசீர்வதித்தார்; இக்கூட்டங்களில், 50 பேர் தங்கள் வாழ்க்கையை கிறிஸ்துவுக்கு அர்ப்பணித்தனர். பகாஹா பணித்தளத்தில் மூன்று நாட்கள் நடைபெற்ற சிறப்புக் கூடுகையில் 70 விசுவாசிகளும், நிமோயியா பணித்தளத்தில் நடைபெற்ற இரவு ஜெபத்தில் 17 பேரும் கலந்துகொண்டனர். பணித்தங்களில் செய்யப்பட்டுவரும் தொடர் நற்செய்திப் பணிகள் நல்ல பலனைத் தர ஜெபிப்போம்.  

மே 23 பெத்தியா பணித்தளத்தில் நடைபெற்ற குடும்பக் கூடுகையில் 60 பேரும், ராம்நகர் பணித்தளத்தில் நடைபெற்ற குடும்பக் கூடுகையில் 75 விசுவாசிகளின் குடும்பங்களும் மற்றும் வால்மீகிநகர் பணித்தளத்தில் நடைபெற்ற குடும்பக் கூடுகையில் 50 பேரும் பங்கேற்றனர். தம்பதியர் ஒருவரையொருவர் புரிந்துகொள்ளவும், கிறிஸ்துவை முன்னிறுத்தும் குடும்ப வாழ்க்கை வாழவும் போதனையுடன் ஆலோசனையையும் வழங்க கர்த்தர் உதவிசெய்தார். பணித்தள விசுவாசிகளின் குடும்பங்கள் கிறிஸ்துவின் சாட்சிகளாக வாழவும், உறவினர்கள் சந்திக்கப்படவும் ஜெபிப்போம். 

மே 24 யோகாபட்டி, பெல்வானியா, ஸ்ரீநகர், சப்ரா ஆகிய பணித்தளங்களில் நடைபெற்ற உபவாசக் கூடுகைகளில், விசுவாசிகள் பங்கேற்று பணித்தள ஊழியங்களுக்காகவும் மற்றும் தேசத்தின் இரட்சிப்பிற்காகவும் பாரத்துடன் ஜெபித்தனர். ஏப்ரல் 4 அன்று ஹர்னடண்ட் பணித்தளத்தில் நடைபெற்ற வாலிபர் கூடுகையில் 20 வாலிபர் பங்கேற்றனர். பைரவ்கஞ்ச் பணித்தள ஆலயப் பிரச்சனைகள் மாற ஜெபிப்போம்.

மே 25 கிறிஸ்துவை தங்கள் வாழ்க்கையின் சொந்த இரட்சகராக ஏற்றுக்கொண்ட 34 பேர், உடன்படிக்கையின் மூலமாக கிறிஸ்துவின் மீதுள்ள தங்கள் விசுவாசத்தை வெளிப்படுத்தினர்; தேவனுக்கே மகிமை! பணித்தளங்களில் ஊழியத்திற்கு உண்டாகும் எதிர்ப்புகள் நீங்க, மற்றும் விசுவாசிகள் விசுவாசத்தில் நிலைத்திருக்க ஜெபிப்போம்.

April 2026

 

ஏப்ரல் 21'ராம்நகர், பகாஹா, பைரோகஞ்ச், ரக்சௌல் மற்றும் சன்சௌரா பணித்தளங்களில் நடைபெற்ற ஞாயிறுப் பள்ளி ஊழியங்கள் மற்றும் சிறுவர்களுக்கான சிறப்பு நிகழ்ச்சிகளின் மூலமாக, சிறுவர் சிறுமியரை கிறிஸ்துவின் அன்பின் வழிநடத்தவும், வேத வசனங்களைக் கற்றுக்கொடுக்கவும், ஒழுக்க நெறிகளைப் போதிக்கவும் கர்த்தர் உதவிசெய்தார். இப்பணித்தளங்களில் தொடர்ந்து செய்யப்பட்டுவரும் சிறுவர் ஊழியங்களுக்காகவும், சிறுவர்களில் கல்வி மற்றும் எதிர்காலத்திற்காகவும் மற்றும் அவர்களது குடும்பத்தினர் சந்திக்கப்படவும் ஜெபிப்போம். 

ஏப்ரல் 22 'சப்ரா, பிஹியா ஆகிய பணித்தளங்களில் நடைபெற்ற ஒருநாள் உபவாசக் கூடுகையில் 100 விசுவாசிகளும், சரையா பணித்தளத்தில் மூன்று நாட்கள் நடைபெற்ற உபவாசக் கூடுகையில் 45 விசுவாசிகளும் பங்கேற்று பணித்தள ஊழியங்களுக்காகவும் மற்றும் தேசத்திற்காகவும் பாரத்துடன் ஜெபித்தனர். ஷாபூர் மற்றும் பெத்தியா பணித்தளங்களில் நடைபெற்ற சிறப்புக் கூட்டங்களில் 220 பேர் பங்கேற்று கர்த்தருடைய வார்த்தையைக் கேட்டனர். தொடர்ந்து, பகாஹா பணித்தளத்தில் நடைபெற்ற வீட்டுக் கூட்டத்தில் 30 பேரும், மோத்திஹாரி ருலாஹி சபையில் நடைபெற்ற இரவு கூட்டத்தில் 50 பேரும் பங்கேற்றனர். பணித்தளங்களில் வீட்டுக் கூடுகைகள் அதிகம் தொடங்கப்படவும், வரும் நாட்களில் திட்டமிடப்பட்டிருக்கும் உபவாச மற்றும் சிறப்புக் கூடுகைகளுக்காகவும் ஜெபிப்போம். 

ஏப்ரல் 23 'பைரோகஞ்ச் பணித்தளத்தில் மார்ச் 5 அன்று நடைபெற்ற குடும்பக் கூடுகையில் 30 குடும்பத்தினர் பங்கேற்றனர். தேவ செய்தியுடன், குடும்ப வாழ்விற்கான ஆலோசனைகளையும் கூடவே அளித்து, அவர்களை ஜெபத்தில் வழிநடத்த கர்த்தர் உதவிசெய்தார். பணித்தள ஊழியர்களின் பயண பாதுகாப்பிற்காகவும், விசுவாசிகள் ஆவிக்குரிய வாழ்க்கையில் வளரவும் ஜெபிப்போம். 

ஏப்ரல் 24 'மார்ச் 8 மற்றும் 17 ஆகிய தினங்கள் சன்பட்டியா, பகாஹா மற்றும் நாராயன்பூர் பணித்தளங்களில் நடைபெற்ற பெண்களுக்கான சிறப்புக் கூடுகையில் 155 பெண்கள் பங்கேற்றனர். மேலும், ராம்நகர் மற்றும் பகாஹா பணித்தளங்களில் நடைபெற்ற வாலிபர்களுக்கான கூடுகையில் 135 வாலிபர்கள் கலந்துகொண்டனர். ருலாஹி பணித்தளத்தில் ஊழியர் இல்லப் பணிகளை மீண்டும் தொடங்க கர்த்தர்  உதவிசெய்தார். பணித்தளங்களில் நடைபெறும் வாலிபர் ஊழியங்களை கர்த்தர் ஆசீர்வதிக்கவும், வாலிபர்கள் கிறிஸ்துவின் அன்பினை அறிந்துகொள்ளவும் ஜெபிப்போம். 

ஏப்ரல் 25 'பணித்தளங்களில் புதிதாக கிறிஸ்துவை தங்கள் வாழ்க்கையின் சொந்த இரட்சகராக ஏற்றுக்கொண்டு இரட்சிப்பின் அனுபவத்தைப் பெற்ற 109 பேர், உடன்படிக்கையின் மூலம் தங்கள் விசுவாசத்தை வெளிப்படுத்தினர்; தேவனுக்கே மகிமை! ஆராதனைக்கு புதிதாக வந்துகொண்டிருக்கும் ஆத்துமாக்களுக்காகவும், பணித்தளங்களில் ஊழியங்களுக்கு திறந்த வாசல்கள் உண்டாகவும் ஜெபிப்போம்.